Ստորջրյա քաղաքակրթություն
Մեր մոլորակի երկու երրորդը պատված է ջրով: Օվկիանոսի խորքերն ավելի քիչ են ուսումնասիրված, քան տիեզերական տարածությունները: Կան բազում փաստեր և ապացույցներ, որ գոյություն ունի ստորջրյա քաղաքակրթություն, որի բնակիչներն իրենց զարգացվածության մակարդակով գերազանցել են Երկրի բնակիչներին:
Ստորջրյա կիսամարդ-կիսաձուկ բնակիչների մասին (ովքեր ապրում էին պարսկական ծովածոցի խորքերում), պատմել են շումերները: Այդ արարածներին նրանք անվանում էին «օաններ»: Շումերների կավե արձանագրություններում ասվում է, որ առավոտյան նրանք ջրից դուրս էին գալիս ևմարդկանց գիտություններ և արվեստ են սովորեցնում: Օանների շնորհիվ շումերները սովորեցին գրել, տներ կառուցել և զբաղվել գյուղատնտեսությամբ: Նրանք, ինչպես մենք, խոսում էին մարդկային ձայնով: Երբ արևը մայր էր մտնում՝ օանները հեռանում էին՝ գնալով ջրի խորքերը:
Հիմա կհարցնեք՝ իսկ ինչու հիմա կապ չկա մարդկանց և ստորջրյա արարածների միջև: Ըստ մեզ հասած տեղեկությունների` այդ կապն ընդհատվել է մարդկանց պատճառով: Մարդկանց հետ շփման արդյունքում ստորջրյա բնակիչները եկան այն մտքին, որ մարդիկ չափազանց ագրեսիվ են, խաբեբա և նախանձոտ:
1968 թվին Գրեյթ-Այզեկ-Լայթ փարոսի (գտնվում է Բերմունդյան եռանկյունու տարածքում) մոտակայքում սուզված ջրասուզակը 12 մ խորության վրա նկատեց անծանոթ կենդանի: Մոտեցավ, ավելի ուշադիր զննեց. կենդանու դեմքը նման էր կապիկի դեմքի, բավականին երկար վիզ ուներ, իսկ աչքերը մարդու աչքերի համեմատ զգալիորեն խոշոր էին: Ուշադիր նայելով նրան՝ կենդանին անհետացավ:
1902 թվականին Գվինեական ծովածոցի մոտ բրիտանական նավատորմը՝ «Ֆորտ Սոլսբերին», հանդիպեց ահռելի չափերի հասնող տարօրինակ օբյեկտի: Սկզբում նրանք ջրի վրա ընդամենը երկու կարմիր կետ նկատեցին, սակայն հեռադիտակով 180 մ երկարություն ունեցող առարկա տեսան, որի վերջնամասում կրակներ էին վառվում:
Նավատորմի բոլոր անդամներն այն կարծիքին էին, որ անծանոթ օբյեկտը ջրասուզման ապարատ էր: Սակայն ասում են նաև, որ օբյեկտի մակերևույթը պատված է եղել թեփուկներով: Գիտությանն անհայտ կենդանի՞ էր, թե՞ սուզանավ կամ նման մի ապարատ՝ չենք կարող ասել…
Այս տեսակ օրինակները շատ են: Խորհրդավոր օբյեկտներ հաճախ են հանդիպում: Սակայն մարդկությունը, դեռ չունենալով համապատասխան հնարավորություններ, չի կարողանում գնալ օվկիանոսների խորքերը և բացահայտել դրանց գաղտնիքները:
Օգտակար աղբյուրներ ռուսերենով՝
- Ստորջրյա քաղաքակրթություն: Օբյեկտիվ իրականությո՞ւն
- Ստորջրյա աշխարհ և նրա բնակիչները (ստորջրյա քաղաքակրթություն, մեր քաղաքակրթության հետ զուգահեռ)
- Երկիր մոլորակի վրա գոյություն ունի՞ ստորջրյա քաղաքակրթություն
Օգտակար աղբյուրներ անգլերենով՝
- 10 ստորջրյա գտածոներ, որոնք գրավել են մեր երևակայությունը
- Ստորջրյա «Սթոունհենջ» գտնված Սիցիլիայի ափերի մոտակայքում
- Ստորջրյա Բրոնզեդարյան քաղաք հայտնաբերված Հունաստանում
- Ծովային հնագիտությունը Խամբաթի ծովածոցում
Տեսանյութեր և ֆիլմեր՝
- Sunken Civilizations Secrets of Lost Cities Underwater Full Documentary
- Научный мир потрясён. В океане найдена подводная цивилизация. Документальный проект
- Уфологов ошарашили подводные аномалии. НЛО. Подводные цивилизации Земли. Документальный проект
- Странная подводная цивилизация. документальные фильмы
- Великие тайны. Подводная цивилизация.